తాత మాజీ ప్రధాన మంత్రి.. తండ్రి మాజీ ముఖ్యమంత్రి.. ఇలాంటి బడా బ్యాగ్రౌండ్ తో భారీ రేంజ్ లో జాగ్వార్ తో ఎంట్రీ ఇచ్చాడు నిఖిల్ గౌడ. అయితే ఈ సినిమా ఆశించినంత లేదు.అది అలావుంచితే రెండో సినిమాకు కూడా భారీ గానే రెడీ వుతున్నాడు నిఖిల్. ఇందుకోసం దర్శకుడిగా సురేందర్ రెడ్డి పేరును పరిశీలిస్తున్నట్లుగా మొదట వార్తలు వచ్చాయి. ఇప్పుడు మరోపేరు వినిపిస్తుంది.తన రెండో సినిమా కోసం సురేందర్ రెడ్డితో పాటు పూరి జగన్నాథ్ తో కూడా సంప్రదింపులు జరుపుతున్నట్లు వెల్లడించాడు నిఖిల్. అయితే తుది నిర్ణయం తన తండ్రే తీసుకుంటాడని.. తన కథలన్నీ ఆయనే సెలక్ట్ చేస్తారని చెబుతున్నాడీ మాజీ ప్రధాని మనవుడు.అన్నట్టు పూరి దర్శకత్వంలో ఎంట్రీ ఇవ్వాల్సింది నిఖిల్.కానీ కుదరలేదు. ఇప్పుడు రెండో సినిమా వర్క్ అవుట్ అవుతుందేమో చూడాలి.