విక్టరీ వెంకటేష్ నటిస్తున్న చిత్రం 'గురు'. సాలా ఖడూస్ రీమేక్ గా తెరకెక్కుతున్న ఈ చిత్రానికి సుధా కొంగర దర్శకత్వం వహిస్తోంది. రుతికా సింగ్ ప్రధాన పాత్రలో నటిస్తున్న ఈ చిత్ర షూటింగ్ ను సెప్టెంబర్ 19న ప్రారంభించారు. తాజాగా ఈ సినిమా టీజర్ ను దీపావళి సందర్భంగా విడుదల చేయాలని చిత్ర బృందం భావిస్తోంది. ఈ నెల 30న వెంకీకి సంబంధించిన షాట్స్.. ట్రైనింగ్ కి సంబంధించిన కొన్ని క్లిప్పింగ్స్ ఈ టీజర్ లో ఉండనున్నాయని అంటున్నారు. షూటింగ్ ప్రారంభించిన 5 వారాలకే టీజర్ ఇచ్చేస్తున్నారంటే.. గురు షూటింగ్ ఏ రేంజ్ స్పీడ్ లో పరిగెడుతోందో అర్ధమవుతుంది. ఇక ఈ సినిమా డిసెంబర్ లో ప్రేక్షకుల ముందుకు రానుంది.