ముంబైలోని మేకర్ టవర్స్ లో భారీ అగ్ని ప్రమాదం జరిగింది. సమాచారం అందుకున్న అగ్నిమాపక సిబ్బంది, పది ఫైరింజన్లతో వచ్చి మంటల్ని అదుపు చేశారు. ఈ ఘటనలో ఇద్దరు మృతి చెందారు. భవనం నుంచి మరో 20 మందిని అగ్నిమాపక సిబ్బంది రక్షించారు. ప్రస్తుతం మంటలు అదుపులోకి వచ్చాయి. భవనం నుంచి అందరినీ ఖాళీ చేయించే ప్రయత్నం చేస్తున్నారు. ప్రమాదానికి షార్ట్ సర్క్యూటే కారణమని భావిస్తున్నారు. ఘటనపై పోలీసుల విచారణ కొనసాగుతోంది.