కువైట్:  " నాలుగు కొప్పులు కలిస్తే ప్రళయమే "  అన్న మన తెలుగు సామెత కువైట్ లోనూ సరిగ్గా సరిపోతుంది. మరి వారే కలహిస్తే , గుమ గుమ లాడే సువాసనల మధ్య గుభీ గుభీ మంటూ గుద్దులాటతో  మహిళా కళాశాల మారుమోగిపోతుంది. వివరాలలోకి వెళితే కువైట్ ప్రాథమిక విద్య కళాశాలలో చదువుతున్న ఓ  నలుగురు మహిళా విద్యార్థులు ఇటీవల  కళాశాలలో జరిగిన  'ఎన్నికల ఫలితాలు పై తీవ్రంగా చర్చ జరుపుతున్నారు. ఆ  సందర్భంగా వారి మధ్య చిచ్చు చెలరేగింది. దాంతో వారు తమ  బ్యాగులలో ఉన్న సెంటు సీసాలు..ఆయుధాలుగా మారిపోయాయి... ప్రత్యర్థులపై  పరిమళం సీసాలతో ఒకరిపై ఒకరు  దాడి చేసుకొంటూ..కాసేపు కళాశాలను మినీ కురుక్షేత్రం చేశారు.  ఆ  సెంటు బుడ్డీల సమరంలో గాయపడిన ఓ మహిళా విద్యార్థిని ఆస్పత్రి పాలయ్యంది.  మిగిలిన  స్టూడెంట్స్ వీరి  పోరాటం విచ్ఛిన్నం చేయడానికి నీటిని ఉపయోగించి నిలువరించారు . మిగిలిన ముగ్గురు విదార్థినులను కళాశాలలోనే  చికిత్స కోసం చేర్పించారు . పోలీసులను కాలేజీ  క్యాంపస్ లోనికి  అనుమతించకపోవడంతో కదనరంగం కాసేపు కొనసాగింది..తోటి మహిళా విద్యార్థులు ఆ మహిళా యోధులపై   నీటిని బలంగా పిచికారీ చేసి విడదీశారు. అప్పటివరకు పోలీసులు నిస్సహాయులుగా ఉండి వెలుపలే నిరీక్షిస్తూ ఉండిపోయారు.