నందమూరి బాలకృష్ణ నటిస్తున్న చిత్రం 'గౌతమీపుత్ర శాతకర్ణి'. దర్శకుడు క్రిష్ తెరకెక్కిస్తున్న ఈ చిత్రంలో బాలయ్య సరసన శ్రియ నటిస్తోంది. ఇప్పటికే విడుదలైన ఈ సినిమా ఫస్టు లుక్, టీజర్ సినిమా పై అంచనాలను పెంచేసింది. అయితే. ఇప్పటికే ఈ చిత్ర నైజాం, సీడెడ్ హక్కులు భారీ ధరకు అమ్ముడుపోగా ఇప్పుడు గుంటూరు, కృష్ణా ధరలు కళ్ళు చెదిరే రేటుకు అమ్ముడైనట్లు టాక్. ఈ చిత్ర గుంటూరు జిల్లా హక్కులు రూ.4.5 కోట్ల భారీ మొత్తానికి అమ్ముడుపోగా కృష్ణా జిల్లా హక్కులు రూ.3.6 కోట్లకు అమ్ముడయ్యాయని అంటున్నారు. 2017 సంక్రాంతి కానుకగా ప్రేక్షకుల ముందుకు రానుంది ఈ చిత్రం.