సరిహద్దుల్లో దాయాది పాకిస్థాన్‌ మరోసారి బరితెగించింది. జమ్మూ ఆర్‌ఎస్‌ పుర సెక్టర్‌లోని అంతర్జాతీయ సరిహద్దుల మీదుగా భారీ కాల్పులు, మోర్టార్‌ షెల్లింగ్‌ దాడులతో విరుచుకుపడింది. ఈ దాడుల్లో బార్డర్‌ సెక్యూరిటీ ఫోర్స్‌ (బీఎస్‌ఎఫ్‌) జవాను ఒకరు మృతి చెందగా.. ముగ్గురు జవానుకు గాయాలయ్యాయి. పాక్‌ రేంజర్స్‌ కాల్పుల్లో గాయపడిన జవానును వెంటనే జమ్మూలోని ఆస్పత్రికి తరలించినా.. అక్కడ చికిత్స పొందుతూ ప్రాణాలు విడిచాడు. మరో జవాను చికిత్స పొందుతున్నాడు.ఆర్‌ఎస్‌ పుర సెక్టర్‌లో అంతర్జాతీయ సరిహద్దుల మీదుగా ఆదివారం పాక్‌ రేంజర్లు రెండుసార్లు కాల్పుల ఉల్లంఘనకు పాల్పడ్డారు. మోర్టార్‌ షెల్స్‌ర, తక్కువస్థాయి ఆయుధాలతో కాల్పులకు దిగారు.