నందమూరి బాలకృష్ణ నటిస్తున్న వందో చిత్రం 'గౌతమీ పుత్ర శాతకర్ణి'. దర్శకుడు క్రిష్ తెరకెక్కిస్తున్న ఈ చిత్రంలో బాలయ్య సరసన శ్రియ నటిస్తోంది. ఇంతవరకూ 80 శాతం చిత్రీకరణను పూర్తిచేశారు. ప్రస్తుతం ఈ సినిమా షూటింగ్ హైదరాబాద్ లోని రామోజీ ఫిల్మ్ సిటీలో జరుగుతోంది. ఈ సినిమాలో కన్నడ స్టార్ హీరో శివరాజ్ కుమార్ ఒక కీలకమైన పాత్రను పోషిస్తున్నాడని అంటున్నారు. ఆయన ఏ పాత్రను పోషిస్తున్నారనేది ప్రస్తుతానికి సస్పెన్స్.. సంక్రాంతి కానుకగా ఈ సినిమా ప్రేక్షకుల ముందుకు రానుంది.