నందమూరి బాలకృష్ణ కథానాయకుడిగా నటించిన 'లెజెండ్‌' సినిమా ప్రొద్దుటూరు (కడప జిల్లా)లోని అర్చన థియేటర్‌లో 950 రోజులను పూర్తి చేసుకొని, వెయ్యి రోజులవైపు పయనిస్తున్న సందర్భాన్ని పురస్కరించుకొని ఆ చిత్ర దర్శకుడు బోయపాటి శ్రీను, అర్చన థియేటర్‌ యజమాని కె. ఓబుల్‌రెడ్డి సంయుక్తంగా పోస్టర్‌ను ఆవిష్కరించారు. దక్షిణ భారతంలో ఇప్పటివరకూ ఎక్కువ రోజులు ఆడిన సినిమాగా రజనీకాంత్ 'చంద్రముఖి' పేరిట ఉన్న రికార్డు (891 రోజులు)ను దాటి 'లెజెండ్‌' సరికొత్త రికార్డును సృష్టించిందని వారు తెలిపారు.