ఈ మధ్య కాలంలో మహిళల మెడల్లోని గొలుసులను చోరులు లాక్కొని పారిపోతున్నారు. వీటి ఆధారంగా ఆనంద్‌ కృష్ణన్‌ దర్శకత్వం 'మెట్రో' అనే పేరుతో కొత్త నటీనటులతో చిత్రాన్ని తెరకెక్కించారు. ఈ చిత్రానికి సంబంధించిన పోస్టర్లను చిత్ర బృందం బుధవారం విడుదల చేసింది. జర్నీ, షాపింగ్‌మాల్‌, పిజ్జా చిత్రాల నిర్మాత సురేశ్‌ కొండేటి స్వీయ సమర్పణలో ఆర్‌ 4 ఎంటర్‌టైన్‌మెంట్‌ అధినేత రజతి తాళ్లూరి ఈ చిత్రాన్ని విడుదల చేస్తున్నారు. చైన్‌ స్నాచర్స్‌ ఎటువంటి దురాగతాలకు పాల్పడతారనే విషయాలను ఈ చిత్రంలో కళ్లకు కట్టినట్లు చూపించామని చిత్ర బృందం వెల్లడించింది. వచ్చే నెలలో ఈ చిత్రాన్ని ప్రేక్షకుల ముందుకు తీసుకురానున్నారు.