మనామా: ఓ డెఫ్‌ విమెన్‌ని పోలీసులపై దాడి చేఉసిన కేసులో అరెస్ట్‌ చేశారు. ఈమెపై ఇంటర్నెట్‌లో అభ్యంతరక ఫొటోలు పెడుతున్నందున, డ్రగ్స్‌ వాడుతున్నందున మరో కేసులో కూడా ఈమెను అరెస్ట్‌ చేయడం జరిగింది. 21 ఏళ్ళ ఈ మహిళ, పోలీస్‌ అధికారిపై మెడికల్‌ సిరెంజ్‌తో దాడి చేసింది. పోలీస్‌ వెహికిల్‌లోనే ఆమె ఈ దాడికి పాల్పడింది. విచారణ సందర్భంగా, నేరాన్ని నిందితురాలు అంగీకరించింది. పోలీస్‌ అధికారి తనపై ప్రశ్నలు గుప్పించారనీ, ఆ ప్రశ్నలతో విసుగెత్తిన తాను అతన్ని చంపాలని నిర్ణయించుకున్నట్లు నిందితురాలు వెల్లడించింది. నిందితురాలు, పోలీస్‌ అధికారిని తన గోళ్ళతో గాయపరిచింది. అలాగే అతన్ని బలంగా కడుపులో తన్నింది కూడా. కేసు విచారణ నవంబర్‌ 29న జరగనుంది.