జ‌బ‌ర్ద‌స్త్ తో సెన్సేష‌న్ క్రియేట్ చేసిన బుల్లితెర యాంక‌ర్ అన‌సూయ వెండితెర‌పై కూడా సంద‌డి చేసింది. క్ష‌ణంలో కీల‌క పాత్ర‌లో న‌టించింది. అలాగే అక్కినేని నాగార్జున న‌టించిన `సోగ్గాడే చిన్నినాయ‌నా` చిత్రంలో నాగ్ మ‌ర‌ద‌లుగా న‌టించి ఓ పాట‌లో కొంత‌మంది హీరోయిన్స్‌తో క‌లిసి సాంగ్‌లో కాలు క‌దిపింది. అయితే ఇప్పుడు సుప్రీమ్ హీరో సాయిధ‌ర‌మ్ తేజ్‌, గోపీచంద్ మ‌లినేని కాంబినేష‌న్‌లో రూపొందుతోన్న 'విన్న‌ర్' సినిమాలో అన‌సూయ స్పెష‌ల్ సాంగ్ చేసింది. ఈ సాంగ్ కోసం 12 కేజీల వరకూ అనసూయ బరువు పెరిగిందట. ''అనసూయ .. అనసూయ .. ''అంటూ ఈ సాంగ్ ఆమె పైనే కొనసాగుతుంది. ఈ సాంగ్ కోసం ఆమె భారీ రెమ్యునరేషన్ తీసుకుందట. ఈ రెండు కారణాల వల్లనే ఆమె బరువు పెరగడానికి సైతం అంగీకరించిందని చెప్పుకుంటున్నారు.