కేసీఆర్‌తో తనకు ఎలాంటి విభేదాలూ లేవన్నారు ఏపీ సీఎం చంద్రబాబు. ఢిల్లీ పర్యటనకు వచ్చిన సీఎం... తెలుగు రాష్ట్రాల రాజకీయాలపై స్పందించారు. టూర్‌లో భాగంగా హిందుస్థాన్‌ టైమ్స్‌ నాయకత్వ సదస్సుకు సీఎం హాజరయ్యారు. అంతకముందు నీతి అయోగ్‌ వైస్‌ చైర్మన్‌ అరవింద్‌ పనగరియాతో సమావేశమై... నోట్ల రద్దు, ఈ నెల 7న జరగనున్న సీఎంల కమిటీ సమావేశంలో ఎజెండాపై చర్చించారు. ఢిల్లీ టూర్‌లో బిజీ, బిజీగా గడిపారు ఏపీ సీఎం చంద్రబాబు. హిందుస్థాన్‌ టైమ్స్‌ లీడర్‌షిప్‌ కాన్ఫరెన్స్‌లో పాల్గొన్న సీఎం... ప్రపంచ నీటి సంక్షోభం-పరిణామాలు అనే అంశంపై కీలక ఉపన్యాసం చేశారు. ఏపీలో కొత్త రాష్ట్రంలో వ్యవసాయం, సాగునీటి రంగాలపై దృష్టిసారించినట్లు సీఎం చెప్పారు. వర్షపు నీటిని నదులకు అనుసంధానం చేసే దిశగా కృషి చేస్తున్నామన్నారు.