ఉత్తరప్రదేశ్ లోని కాన్పుర్ సమీపంలో బుధవారం ఉదయం రైలు ప్రమాదం చోటుచేసుకుంది. కాన్పురుకు 50 కిలోమీటర్ల దూరంలో రురా-మెథా మార్గం మధ్యలో సెల్దా-అజ్మీర్ ఎక్స్ ప్రెస్ రైలు 14 బోగీలు పట్టాలు తప్పడంతో ఈ ఘటన జరిగింది. ఈ ప్రమాదంలో ఇద్దరు ప్రయాణికులు మృతిచెందగా, ట్రెయిన్ గార్డ్ సహా దాదాపు 26 మంది ప్రయాణికులు గాయపడ్డారని రైల్వే అధికారులు వెల్లడించారు. ఒక్కసారిగా బోగీలు పట్టాలు తప్పడంతో ప్రయాణికులకు ఏం జరుగుతుందో అర్థం కాలేదు. పెను ముప్పు తలెత్తుతుందోమేనని ప్రయాణికులు భయాందోళనకు గురయ్యారు