కొత్త సంవత్సరం సందర్భంగా భారత సంచార్‌ నిగమ్‌ లిమిటెడ్‌ (బిఎస్ఎన్ ఎల్) బ్రాడ్‌బ్యాండ్‌ కనెక్షన్‌ కలిగిన వినియోగదారుల కోసం ప్రమోషనల్‌ ఆఫర్‌ను తెచ్చింది. ఇందులో భాగంగా 144 రూపాయల ప్రీపెయిడ్‌ ఓచర్‌తో 30 రోజులపాటు అపరిమితంగా లోకల్‌/ఎస్ టిడి కాల్స్‌ మాట్లాడుకోవచ్చు. ఈ ప్లాన్‌ కాలపరిమితి 180 రోజులు. ఉచిత కాల్స్‌ తర్వాత లోకల్‌/ఎస్ టిడి కాల్స్‌పై నిమిషానికి 80 పైసలు, ఎస్‌ఎంఎస్ కు 50 పైసలు, రోమింగ్‌లో లోకల్‌ ఎస్‌ఎంఎస్ కు 38 పైసలు వసూలు చేస్తారు. బ్రాడ్‌బ్యాండ్‌ కనెక్షన్‌ కలిగిన వినియోగదారులు ఇతర ఆపరేటర్ల సిమ్‌ కార్డు కలిగి ఉంటే..

ఎంఎన్‌పి ద్వారా బిఎస్ఎన్ ఎల్‌కు మారి కూడా ఈ ఆఫర్‌ను పొందవచ్చని కంపెనీ తెలిపింది. ఈ ఓచర్‌ను బిఎస్ఎన్ ఎల్ కస్టమర్‌ సర్వీస్‌ సెంటర్‌ ద్వారా మాత్రమే పొందవచ్చని పేర్కొంది.