తమిళ హీరో సూర్య దంపతులు నటుడు మాధవన్‌ దంపతులతో కలిసి నూతన సంవత్సర వేడుకలను ఆనందంగా జరుపుకొన్నారు. తన భార్య సరిత, సూర్య, జ్యోతికలతో కలిసి దిగిన ఫొటోను మాధవన్‌ ట్విట్టర్‌ ద్వారా పంచుకున్నారు. 'నా ప్రియమైన స్నేహితులు, కుటుంబ సభ్యులతో.. న్యూ ఇయర్‌ పండుగ. లవ్‌ యు బ్రో.. సూర్య' అని మాధవన్‌ ట్వీట్‌ చేశారు. దీనికి సూర్య స్పందిస్తూ.. 'ఈ బంధం చాలా ప్రత్యేకమైనది బ్రో! నువ్వు చేసిన పనికి ధన్యవాదాలు చెబితే సరిపోదు' అని సూర్య సమాధానం ఇచ్చారు.
హరి దర్శకత్వంలో సూర్య నటించిన 'ఎస్‌ 3' చిత్రం త్వరలో ప్రేక్షకుల ముందుకు రానుంది. మాధవన్‌ ప్రస్తుతం పుష్కర్‌-గాయత్రి దర్శకత్వంలో 'విక్రమ్‌ వెద' అనే తమిళ చిత్రంలో నటిస్తున్నారు.