మెరిటైమ్‌ రెస్క్యూ డిపార్ట్‌మెంట్‌ - జనరల్‌ డైరెక్టరేట్‌ ఆఫ్‌ దుబాయ్‌ పోలీస్‌ 2016లో 289 మిషన్స్‌ని, అలాగే 73 ప్రమాదాల్నీ ఈ సంవత్సరం డీల్‌ చేసింది. మెరిటైమ్‌ రెస్క్యూ డిపార్ట్‌మెంట్‌ హెడ్‌ లెఫ్టినెంట్‌ అలి అబ్దుల్లా అల్‌ నక్బి ఈ వివరాల్ని వెల్లడించారు. మునిగిపోవడం, రెండు పడవలు ఢీ కొట్టడం, బోట్లు ఢీ కొనడం వంటివి వీటిల్లో ఉన్నట్లు ఆయన తెలిపారు. దుబాయ్‌ పోలీసులు, అత్యవసర సమయాల్లో అత్యంత అప్రమత్తంగా ఉంటారని ఆయన చెప్పారు. వాటర్‌ స్కూటర్లు, అదనపు బోట్లు, రెస్క్యూ చెక్‌పోస్టులను ఏర్పాటు చేయడం వంటి ద్వారా ఎమర్జన్సీ పరిస్థితుల్ని దుబాయ్‌ పోలీసులు డీల్‌ చేస్తున్నారని ఆయన అన్నారు. నాన్‌ ఎమర్జన్సీ కాల్‌ సెంటర్‌ 193,521 కాల్స్‌ని రిసీవ్‌ చేసుకుంది. ఇందులో 168,206 సమాచార సేకరణ కోసం కాగా, స్మార్ట్‌ పోన్‌ అప్లికేషన్‌ ద్వారా 14,028 కాల్స్‌ అందుకున్నారు, 9844 మంది వర్కర్ల కంప్లయింట్‌లు, 343 యూజర్‌ కంప్లయింట్స్‌ వచ్చాయి. కాల్‌ సెంటర్‌ యాక్టింగ్‌ డైరెక్టర్‌ కెప్టెన్‌ మొహమ్మద్‌ హమాద్‌ మాట్లాడుతూ, కాల్‌ సెంటర్‌ అత్యద్భుతంగా పనిచేసిందని తెలిపారు.