భారత సంతతికి చెందిన ఐదుగురు ప్రవాస భారతీయులు అమెరికన్‌ కాంగ్రెస్‌లో సభ్యులుగా బుధవారం బాధ్యతలు స్వీకరించారు. అమెరికా జనాభాలో కేవలం 1 శాతం మాత్రమే వున్న మైనార్టీ వర్గ ప్రాతినిధ్యానికి కాంగ్రెస్‌లో వీరి చేరికతో కొత్త చరిత్ర సృష్టించినట్లయ్యింది. ఇటీవలి ఎన్నికల్లో ప్రస్తుత ఉపాధ్యక్షుడు జో బిడెన్‌ను ఓడించి కేలిఫోర్నియా నుండి ఎన్నికైన 52 ఏళ్ల కమలా హారిస్‌ సెనేట్‌లో ప్రవేశించిన తొలి భారతీయ మహిళగా రికార్డులకెక్కారు. ఆమె తరువాత హౌస్‌ ఛాంబర్స్‌లో జరిగిన కార్యక్రమంలో వరుసగా మూడోసారి ఎన్నికైన అమీ బెరాతో సహా మరో నలుగురు ప్రవాస భారతీయులు కాంగ్రెస్‌ సభ్యులుగా బాధ్యతలు స్వీకరించారు. బెరాతో పాటు సిలికాన్‌ వేలీ నుండి ఎన్నికైన రో ఖన్నా (40), ఇల్లినాయిస్‌ నుండి ఎన్నికైన రాజా కృష్ణమూర్తి, ప్రమీలా జయపాల్‌ వరుసగా ప్రమాణస్వీకారం చేశారు.