దోహా మునిసిపాలిటీ హెల్త్‌ కంట్రోల్‌ సెక్షన్‌, పలు ఫుడ్‌ ఫెసిలిటీస్‌, ఔట్‌లెట్స్‌పై దాడులు నిర్వహించి, ఎక్స్‌పైర్డ్‌ ఫుడ్‌ (గడువు తీరిన ఆహార పదార్థాలు) ఉన్న వాటిపై చర్యలకు ఉపక్రమించింది. గడువు తీరిన మాంసం ఉత్పత్తుల్ని అల్‌ మక్రియా ప్రాంతంలోని ఓ బేకరీలో కనుగొన్నారు. ముషెరిబ్‌ ప్రాంతంలో గడువు తీరిన ఆహార పదార్థాల్ని పేస్ట్రీలు మరియు స్వీట్‌ల వినియోగం కోసం ఉండడాన్ని కూడా గుర్తించారు. మదినాత్‌ ఖలీఫా సౌత్‌లో గడువు తీరిన ఆహార పదార్థాల్ని కనుగొన్నారు. మరికొన్ని ఉత్పత్తుల్ని కూడా ఇదే ప్రాంతంలో అధికారులు తనిఖీల సందర్భంగా గుర్తించారు. ఉమ్‌ లక్‌బా స్ట్రీట్‌లో గడువు తీరిన మాంసాన్ని, చికెన్‌నీ, ఫిష్‌ మరియు కూరగాయల్ని ఉపయోగిస్తున్నట్లు గుర్తించిన అధికారులు ఆ రెస్టారెంట్‌పై చర్యలు తీసుకోనున్నారు. నిబంధనలు ఉల్లంఘించినవారిపై చట్టపరమైన చర్యలు తప్పవని అధికారులు హెచ్చరించారు.