నగరంలోని ప్రసాద్‌ ల్యాబ్స్‌లో 'శత చిత్ర యోధ శతమానంభవతి' కార్యక్రమాన్ని నిర్వహించారు. ఈ కార్యక్రమానికి బాలకృష్ణ అభిమానులు పెద్దసంఖ్యలో హాజరయ్యారు. 'గౌతమిపుత్ర శాతకర్ణి' సినిమా విజయం సాధించాలని కోరుతూ దేశవ్యాప్తంగా 144 దేవాలయాల్లో అభిమానులు పూజలు చేశారు. చిత్ర కథానాయకుడు బాలకృష్ణ ఈ కార్యక్రమానికి హాజరై అభిమానులను సన్మానించారు. 'గౌతమిపుత్రశాతకర్ణి' సినిమా ప్రపంచవ్యాప్తంగా జనవరి 12న ప్రేక్షకుల ముందుకు రానున్న విషయం తెలిసిందే.