మెగాస్టార్ వెండితెర కు తన 150 వ చిత్రం ఖైదీ నెం 150 తో గ్రాండ్ ఎంట్రీ ఇచ్చాడు..జనవరి 11న ప్రేక్షకుల ముందుకు వచ్చిన ఖైదీ, మంచి టాక్ తో సక్సెస్ ఫుల్ గా రన్ అవుతోంది​..ఇక తన 151 వ చిత్రానికి కూడా ముహూర్తం పెట్టేసాడని సమాచారం. ఇటీవల మెగా పవర్ స్టార్ కు ధృవ హిట్ ఇచ్చిన సురేందర్ రెడ్డి దర్శకత్వం లో చిరు 151 వ చిత్రం చేయబోతున్నాడు. ఇటీవలే సూరి చెప్పిన కథ చిరు, చరణ్ లకు బాగా నచ్చడం తో దానిని డెవలప్ చేయమని చెప్పారట.

కొణిదెల ప్రొడక్షన్స్ బ్యానర్ పై రామ్ చరణ్ నిర్మిస్తున్న ఈ చిత్రం, మార్చి 27 న రామ్ చరణ్ పుట్టినరోజునాడే కుటుంబ సభ్యుల సమక్షంలో లాంచ్ చేయనున్నారని సమాచారం. పూర్తిస్థాయి కమర్షియల్ ఎంటర్టైనర్ గా రాబోతున్న ఈ మూవీ లో చిరంజీవి సరికొత్తగా లుక్ లో కనిపిస్తారని అంటున్నారు. అలాగే అన్నీ ప్లానింగ్ ప్రకారం జరిగితే షూటింగ్ కూడా మే, జూన్ నెలల్లో మొదలయ్యే అవకాశాలున్నాయట.