అణువుల మధ్య అత్యంత దృఢమైన బంధాన్ని శాస్త్రవేత్తలు ఏర్పాటుచేశారు. దీంతో చాలా గట్టి, ఎలా కావాలంటే అలా ఉపయోగించగలిగే పదార్థాలకు మార్గం సుగమమైంది. బ్రిటన్‌లోని మాంచెస్టర్‌ వర్సిటీ నిపుణులు ఈ పరిశోధన చేపట్టారు. భిన్న స్థాయిల్లో అణువులు పటిష్ఠ బంధాలను ఏర్పరచుకోగలిగే ఓ విధానాన్ని వారు అభివృద్ధిచేశారు. దీన్ని అనుసరించి 192 అణువులతో దృఢమైన వలయాన్ని ఏర్పరిచారు. 20 నానోమీటర్ల పొడవున్న దీనిలో ఎనిమిది క్రాసింగ్స్‌ ఉన్నాయి. 'అణువుల మధ్య బంధాలు ఏర్పరచడం మగ్గం నేయడం లాంటిదే. తాజా విధానంలో అణువుల పోగులఅన్నీ బంధంలో పాల్గొనేలా చూశాం. ఇప్పటివరకూ ఉన్నవాటిన్నింటిలోనూ ఇదే అత్యంత దృఢ, సంక్లిష్టమైన అణు బంధం'అని పరిశోధకులు డేవిడ్‌ లీగ్‌ వివరించారు. 'సెల్ఫ్‌ అసెంబ్లీ'గా పిలిచే సాంకేతికత సాయంతో ఈ బంధాన్ని సాకారం చేసినట్లు తెలిపారు.