నితిన్ హీరోగా వెంకట్‌ బోయినపల్లి సమర్పణలో 14 రీల్స్‌ ఎంటర్‌టైనమెంట్‌ పతాకంపై ఓ చిత్రం తెరకెక్కుతోంది. హను రాఘవపూడి దర్శకత్వం వహిస్తున్నారు. రామ్‌ ఆచంట, గోపీచంద్‌ ఆచంట, అనీల్‌ సుంకర నిర్మాతలు. ఈ సినిమాలో యాక్షన కింగ్‌ అర్జున విలనగా నటిస్తున్నారు. అనిల్‌ సుంకర మాట్లాడుతూ ''అర్జునగారు ఇందులో స్పెషల్‌ కేరక్టర్‌ చేస్తున్నారు. హను కథ చెప్పగానే ఈ పాత్రకు ఎవరైనా సరిపోతారా? అని మూడు నెలలు డిస్కస్‌ చేశాం. అందరం కలిసి అర్జునగారి పేరు అనుకున్నాం. అయితే ఆయన చేస్తారా? లేదా? అనే సంశయం కలిగింది. కానీ ఆయన వినగానే ఒప్పుకోవడం ఆనందంగా ఉంది'' అని చెప్పారు. దర్శకుడు మాట్లాడుతూ ''నేను చిన్నతనం నుంచి యాక్షన్ సినిమాలు బాగా చూసేవాడిని.

అర్జునగారి జెంటిల్‌మేన చిత్రాన్ని స్కూలు ఎగ్గొట్టి మరీ వరుసగా మూడు రోజులు చూశాను. ఆయన ప్రతి సినిమా కథా నాకు గుర్తుంది. ఇందులో ఆయన విలనగా నటిస్తున్నారు. ఆ పాత్రతోనే సినిమా మొదలవుతుంది.

ఆయన కథ విని చేస్తాననగానే సచిన టెండుల్కర్‌ వరల్డ్‌ కప్‌ గెలిచినప్పుడు ఎంత ఆనందపడ్డాడో అంత సంతోషపడ్డాను'' అని అన్నారు. అర్జున మాట్లాడుతూ ''నటనకి అవకాశం ఉన్న పాత్ర దొరికినప్పుడు ఎవరైనా ఎగ్జయిట్‌ అవుతారు. హను చెప్పిన కథ నచ్చింది మూడు దశాబ్దాలుగా నటిస్తూనే ఉన్నాను. ప్రతి చిత్రంతోనూ నేను ఎంతో కొంత నేర్చుకుంటూనే ఉన్నాను.

గత రెండు నెలల్లో దాదాపు పాతిక స్ర్కిప్ట్‌లు విన్నాను. ఈ కథ సోఫిస్టికేటెడ్‌గా, ఇంటలిజెంట్‌గా అనిపించింది'' అని అన్నారు. నిర్మాత గోపీచంద్‌ ఆచంట మాట్లాడుతూ ''ఈ చిత్రాన్ని జనవరి 6న ప్రారంభించాం. రేపటి నుంచి షెడ్యూల్‌ మొదలవుతుంది.

ఫిబ్రవరి వరకు ఇక్కడ తెరకెక్కిస్తాం. మార్చి నుంచి మే వరకు 60 రోజుల పాటు అమెరికాలో షెడ్యూల్‌ ఉంటుంది. దాంతో షూటింగ్‌ పూర్తవుతుంది. అర్జునగారు చేస్తున్న విలన పాత్ర అందరికీ తప్పక నచ్చుతుంది'' అని చెప్పారు.