మన ఇంటికి, మన ఊరికి, దేశానికి దూరంగా  'అబుధాబి' లో మన తెలుగు వారు 'తెలుగు కళా  స్రవంతి ' ఆధ్వర్యంలో సంయుక్తంగా కలిసి నిర్వహించిన ఈనాటి కార్యక్రమం 'సంక్రాంతి సంబరాలు'.

ఈ కార్యక్రమంలో 'మన తెలుగు బడి' చిన్నారులు ఆలపించిన తెలుగు శ్లోకాలతో పాటు 
సంక్రాంతి నృత్యరూపకం తెలుగువారైన మనల్ని మంత్రముగ్ధులను చేస్తూ, భోగి రోజున 
పిల్లల్ని ఆశీర్వదిస్తూ చేసే ముచ్చటైన 'భోగి పళ్ళ' వేడుక తో పాటు, అదే విధంగా మన ఆడపడుచుల రంగు రంగుల రంగవల్లులు,గొబ్బెమ్మల ఆటలతో, పురుషుల విభాగంలో ఆసక్తికరంగా సాగే పలు ఆటలు చిన్నారుల ముచ్చట గొలిపే ఆటలు నిర్వహించటం జరిగింది.

మన తెలుగు సాంప్రదాయక మనదైన పసందైన తెలుగు రుచులతో వినువిందుగా కనువిందుగా సంక్రాంతి సంబరాన్ని తెలుగువారందరూ కలిసి జరుపుకున్నారు.అలాగే మన అనుబంధ సంస్థలైన 'సంస్కృతి','వనిత','తెలుగు బడి' వారందరూ కలిసి సంయుక్తంగా విజయవంతం చేశారు.