ఎంవీపీ కాలనీ(బీచ్‌రోడ్డు): ప్రత్యేక హోదా కోరుతూ యువత చేపడుతున్న మౌనదీక్షకు మద్దతుగా విశాఖ వచ్చిన సినీనటుడు సంపూర్ణేష్‌ బాబును పోలీసులు అరెస్టు చేశారు. సినీ నిర్మాత, దర్శకుడు తమ్మారెడ్డి భరద్వాజతో విశాఖ చేరుకున్న సంపూర్ణేష్‌బాబు మీడియాతో మాట్లాడుతుండగా ఏసీపీ నర్సింహమూర్తి ఆధ్వర్యంలో పోలీసులు ఆయన్ని అదుపులోకి తీసుకుని మూడో పట్టణ పోలీస్టేషన్‌కు తరలించారు. పోలీసులు విశాఖ బీచ్‌ రోడ్డులో ఆంక్షలు విధించడం, యువతను నిర్భందించడం యువత విజయమేనని ఈ సందర్భంగా సంపూర్ణేష్‌ పేర్కొన్నారు. ప్రత్యేక హోదా కోరుతూ యువత శాంతియుతంగా చేస్తున్న దీక్షకు మద్దతు ప్రకటించడానికే తాను విశాఖ వచ్చినట్లు తెలిపారు.