అమెరికా నల్లకలువ సెరెనా విలియమ్స్ చరిత్ర సృష్టించింది. ప్రపంచ టెన్నిస్‌లో అత్యధిక గ్రాండ్‌శ్లామ్ టైటిల్స్ గెలిచిన క్రీడాకారిణిగా రికార్డులకెక్కింది. ఆసక్తికరంగా సాగిన ఆస్ట్రేలియన్ ఓపెన్ ఫైనల్లో సెరెనా 6-4, 6-4 స్కోర్‌తో తన అక్క వీనస్ విలియమ్స్‌పై విజయం సాధించింది. మ్యాచ్ ఆరంభం నుంచే ఆధిపత్యం కనబరిచిన ఆమె.. 41 నిమిషాల్లోనే తొలి సెట్ గెలుచుకుంది. రెండో సెట్‌లో మాత్రం కాస్త పోటీ ఎదురైనప్పటికీ సెరెనాదే పై చేయిగా నిలిచింది. దీంతో స్టెఫీగ్రాఫ్‌ పేరిట ఉన్న 22 టైటిళ్ల రికార్డును 35ఏళ్ల సెరెనా బద్దలుకొట్టింది.  సెరెనా కెరీర్‌లో ఇది ఏడో ఆస్ట్రేలియన్ ఓపెన్ టైటిల్‌.