వరస సినిమా పనుల్లో, రాజకీయ పనుల్లో బిజీగా ఉన్న పవర్ స్టార్ పవన్ కళ్యాణ్ బోస్టన్ బయలుదేరివెళ్ళినట్లు సమాచారం. ఫిబ్రవరి 11న బోస్టర్ లోని హార్వర్డ్ యూనివర్సిటీలో జరగనున్న 2017 ఇండియా కాన్ఫెరెన్స్ లో భాగంగా అక్కడ విద్యార్ధులను ఉద్దేశించి పవన్ పసంగించనున్నారు.. యూఎస్ లో విపరీతమైన ఫ్యాన్ ఫాలోయింగ్ ఉన్న పవన్ కు కొద్ది రోజుల క్రితమే హార్వర్డ్ యూనివర్సిటీ లో ప్రసంగించాలని యూనివర్సిటీ సభ్యులు గౌరవ ఆహ్వానం పంపిన సంగతి విధితమే.. కాగా ఇదే ఆహ్వానాన్ని పవన్ స్నేహితుడు మాటల మాంత్రికుడు త్రివిక్రమ్ కూడా అందుకొన్నారు.. ప్రపంచ స్థాయిలో ప్రసిద్ది గాంచిన అత్యుత్తమ యూనివర్సిటీల్లో ఒకటిగా పేరుగాంచిన హార్వర్డ్ యూనివర్సిటీలో ప్రపంచంలో గొప్పవారిగా పేరుగాంచిన జూకర్ బర్గ్, జాన్ కెన్నాడీ, ఒబామా వంటి వారు ఇక్కడే విద్యాభ్యాసం చేశారు..కాగా ఈ యూనివర్సిటీలో ప్రసంగించగానికి దక్షిణాది నుంచి కమల్ హాసన్ ఆహ్వానం అందుకొన్న సంగతి విధితమే.. కమల్ తర్వాత ఆ ఘనత పవన్, త్రివిక్రమ్ ద్వాయానికి దక్కడం విశేషం.