షార్జా క్రిమినల్‌ కోర్ట్‌, ఆసియా జాతీయుడికి భార్యను హత్య చేసిన కేసులో మరణ శిక్ష విధించింది. మృతురాలి బంధువులు, ఎట్టి పరిస్థితుల్లోనూ నిందితుడికి క్షమాభిక్ష ఇవ్వరాదని విజ్ఞప్తి చేయడంతో నిందితుడికి మరణ శిక్ష విధించడం జరిగింది. హత్యకు సంబంధించి సమాచారం అందగానే పోలీసులు ఘటనా స్థలానికి చేరుకున్నారు. ప్రత్యక్ష సాక్షులు చెప్పిన వివరాల ప్రకారం, నిందితుడు తన భార్యతో గొడవపడి, ఆ గొడవ కారణంగా భార్యపై దాడికి పాల్పడ్డాడు. తీవ్ర గాయాలతో రక్తపు మడుగులో పడి ఉన్న భార్యను వదిలేసి పారిపోయేందుకు నిందితుడు ప్రయత్నించాడు. ఈ ఘటను చూసిన పొరుగువారు అతన్ని నిర్బంధించి పోలీసులకు సమాచారమిచ్చారు. విచారణలో నిందితుడు తానే తన భార్యను హత్య చేసినట్లు ఒప్పుకున్నాడు.