కశ్మీర్‌లో మంగళవారం జరిగిన రెండు వేరు వేరు ఎన్‌కౌంటర్లలో వీరమరణం పొందిన ముగ్గురు సైనికులు, ఒక మేజర్‌కి ప్రధానమంత్రి నరేంద్రమోదీ నివాళులర్పించారు. దిల్లీలోని పాలం విమానాశ్రయానికి చేరుకున్న వారి మృతదేహాల వద్ద పూలమాలలు ఉంచి నివాళులర్పించారు. ఈ సందర్భంగా ఆర్మీ చీఫ్‌ జనరల్‌ బిపిన్‌ రావత్‌ ప్రధానమంత్రికి సంఘటన జరిగిన తీరును గురించి వివరించారు. జమ్మూకశ్మీర్‌లోని బందిపుర జిల్లా హజీన్‌ ప్రాంతంలో, క్రాల్‌గంద్‌ ప్రాంతాల్లో జరిగిన ఎదురుకాల్పుల్లో సైనికులు మృతిచెందిన విషయం తెలిసిందే.