న్యూఢిల్లీ : తెలుగులో హిట్ అయిన రేసుగుర్రం సినిమాలో ప్రతినాయకుడిగా నటించిన రవికిషన్ భారతీయ జనతా పార్టీ తీర్ధం తీసుకోబోతున్నారు. ఆయన బీజేపీ జాతీయ అధ్యక్షుడు అమిత్‌షా సమక్షంలో బీజేపీ కండువా కప్పుకోనున్నారు. భోజ్‌పురితో పాటు తెలుగు, హిందీ సినిమాల్లో నటించిన ఆయన మంచి నటుడుగా గుర్తింపు పొందారు. కాగా... ఆయన 2014లో జరిగిన సార్వత్రిక ఎన్నికల్లో లోక్‌సభకు కాంగ్రెస్ పార్టీ తరుపున పోటీచేశారు. ప్రస్తుతం ఆయన స్వచ్ఛ భారత్‌కు ప్రచార కార్యకర్తగా ఉండడంతో బీజేపీ అగ్రనేతలతో ఏర్పడిన సాన్నిహిత్యంతో బీజేపీలో చేరేందుకు నిర్ణయం తీసుకున్నారు.