ప్రస్తుతం ఇండియన్ సిల్వర్ స్క్రీన్ పై బయోపిక్‌ల ట్రెండ్ నడుస్తోంది. ఇప్పుడు దివంగత మాజీ ప్రధాని రాజీవ్ గాంధీ, సోనియాగాంధీల ప్రేమకథతో ఓ అరుదైన చిత్రం రాబోతుంది. అయితే ఇది పూర్తి స్థాయి చిత్రంగా కాక.. గంటన్నర నిడివితో షార్ట్ ఫిల్మ్‌గా రాబోతోంది. రాజీవ్ రాజకీయ జీవితాన్ని ఇందులో టచ్ చేయకుండా.. కేవలం అతని లవ్ స్టోరిని మాత్రమే కాన్సెప్ట్‌గా ఎంచుకున్నారు. రాజీవ్, సోనియాల మధ్య పరిచయం ఎలా జరిగింది.. ఇద్దరి మధ్య బంధం ఎలా ఏర్పడింది.. పెళ్లి వరకు అది ఎలా వెళ్లింది.. పేరెంట్సును ఎలా ఒప్పించారు వంటి ప్రతి యాంగిల్‌ను టచ్ చేస్తూ సినిమా రూపొందిస్తున్నారట. ఈ మూవీలో రాజీవ్ గాంధీగా టెలివిజన్ స్టార్ కరణ్ వీర్ బోరా నటిస్తుండగా..సోనియాగా ప్రియా బెనర్జీ అలరించనుంది. మార్చిలో సెట్ మీదకు వెళ్తున్న ఈ మూవీకి 'ఇజాజత్' అనే టైటిల్‌ని ఖరారు చేశారు. అయితే ఈ సినిమా ఇంగ్లీష్‌తో పాటు సోనియా పుట్టిల్లు ఇటలీలోనూ విడుదల చేయడానికి వీలుగా ఇటాలియన్ భాషలోనూ తెరకెక్కించనున్నారు.