సామాజిక మాధ్యమాల్లో పరిజ్ఞానం, వెబ్‌సైట్ల నిర్వహణపై విజ్ఞానం ఉన్నవారి కోసం బ్రిటీష్‌ రాణి ఎలిజబెత్‌-2 ఓ ఉద్యోగ ప్రకటన చేశారు. అందునా వారి ఇంట్లో ఉండి పనిచేసే ఉద్యోగం. ఏడాదికి రూ.25లక్షల జీతం. పీఎఫ్‌.. అలవెన్సులు.. 33 సెలవులు ఉంటాయి. ఒక్కమాటలో చెప్పాలంటే బ్రిటిష్‌ రాయల్‌ ఫ్యామిలీలో చేరిపోవచ్చు ! ఇంతకీ పనేంటంటే..? రాణిగారి సోషల్‌ మీడియా ఖాతాల నిర్వహణ చూసుకోవడం. ఆమె తరఫున ట్విటర్‌లో ట్వీట్లు చేస్తూ.. ఫేస్‌బుక్‌లో పోస్టులు పెడుతూ.. యూట్యూబ్‌లో వీడియోలను అప్‌లోడ్‌ చూస్తూ లక్షల మంది అభిమానులకు ఎప్పుడూ టచ్‌లో ఉండటమే. ఈ ఉద్యోగం కోసం మంచి నాలెడ్జ్‌ ఉన్న వ్యక్తి కోసం రాణిగారు వెతుకుతున్నారట.
దీనికి దరఖాస్తు చేసుకోవాలంటే సోషల్‌మీడియాలో మంచి పట్టు ఉండటమే అర్హత. అలాగే వెబ్‌సైట్‌ను కూడా అతను పర్యవేక్షిస్తూ ఉండాలి. గతంలో వెబ్‌సైట్ల కోసం పనిచేసిన అనుభవం ఉంటే మంచిది.