ఆసియాకి చెందిన ఓ వ్యక్తి, ఫేక్‌ వీసాలు తయారు చేస్తూ పలువుర్ని మోసగించిన కేసులో అరెస్టయ్యాడు. షార్జా కోర్ట్‌లో ఈ కేసు విచారణలో ఉంది. రెసిడెన్స్‌ వీసాల్ని అందజేస్తానని చెప్పి, ఫేక్‌ వీసాల్ని బాధితులకు అందించి 100,000 దిర్హామ్‌లను కాజేశాడు నిందితుడు. మోసగాడని తెలియక అతన్ని నమ్మిన పాకిస్తాన్‌కి చెందిన వ్యక్తి, 100,000 చెల్లించాడు. అయితే దుబాయ్‌కి వెళ్ళేందుకోసం ఇస్లామాబాద్‌ చేరుకోగా, అక్కడే వారికి తమ వద్దనున్న వీసా ఫేక్‌ అని తేలింది. బాధితులు పోలీసులను ఆశ్రయించడంతో నిందితుడి బాగోతం బయటపడింది. కేసు విచారణ వాయిదా పడింది.