మనామా: హూరాలోని నేషనాలిటీ పాస్‌పోర్ట్స్‌ అండ్‌ రెసిడెన్స్‌ ఎఫైర్స్‌ (ఎన్‌పిఆర్‌ఎ) భవనం సమీపంలో ఓ కారు అగ్ని ప్రమాదానికి గురైంది. అయితే ముందుగా కారులో పొగ వాసనను గమనించిన డ్రైవర్‌, చాకచక్యంగా ఆ కారు నుంచి బయటపడటంతో పెను ప్రమాదం తప్పింది. ప్రమాదం గురించి సమాచారం అందగానే సివిల్‌ డిఫెన్స్‌, అక్కడికి చేరుకుని కారుకి అంటుకున్న మంటల్ని అదుపు చేసింది. ప్రాథమిక సమాచారాన్ని బట్టి కారులో షార్ట్‌ సర్క్యూట్‌ కారణంగానే అగ్ని ప్రమాదం చోటు చేసుకున్నట్లు మినిస్ట్రీ ఆఫ్‌ ఇంటీరియర్‌ ట్విట్టర్‌లో వెల్లడించింది. ఇరవై నాలుగ్గంటల వ్యవధిలో ఇది మూడో అగ్ని ప్రమాదం. నిన్ననే ఓ స్కూల్‌ బస్సు అగ్ని ప్రమాదానికి గురయ్యింది. ముహైర్‌లోని గ్యాస్‌ స్టేషన్‌లో మరో అగ్ని ప్రమాదం చోటు చేసుకుంది. ఈ ఘటనల్లో ఎవరూ మృతి చెందకపోవడం, గాయపడకపోవడం గమనించదగ్గది.