ఓల్డ్‌ మరియు న్యూ వజ్బా ఇంటర్‌ ఛేంజ్‌ల మధ్య దుఖాన్‌ హైవే మీద సుమారు రెండు నెలలపాటు డైవర్షన్‌ ఉంటుంది. ఫిబ్రవరి 24 నుంచి ఈ డైవర్షన్‌ అమల్లోకి వస్తుంది. దుఖాన్‌ హైవే సెంట్రల్‌ ఎక్స్‌ప్రెస్‌వే పనులు పూర్తయ్యాక డైవర్షన్‌ని ఎత్తివేస్తారు. డైవర్షన్‌ కారణంగా దోహా వెళ్ళేందుకు దుఖాన్‌ హైవేని వినియోగించే వాహనదారులకు ప్రత్యామ్నాయ మార్గాన్ని సూచించారు. పబ్లిక్‌ వర్క్స్‌ అథారిటీ అష్గల్‌, మూడు లేన్లను రెండు లేన్లకు మార్చింది. స్పీడ్‌ లిమిట్‌ని తగ్గించి వాహనదారులు తమ వాహనాల్ని నడపవలసి ఉంటుందని అధికారులు విజ్ఞప్తి చేశారు.