ఎప్పుడెప్పుడా అని ఎదురు చూస్తున్న సమయం రానే వచ్చింది. మహేశ్‌బాబు, ఏఆర్ మురుగదాస్ సినిమా విడుదల తేదీ తెలిసిపోయింది. ఈ సినిమాకు సంబంధించిన టీజర్ గానీ, ఫస్ట్‌లుక్ పోస్టర్‌ గానీ ఇంతవరకు విడుదల కాకపోయినా.. సినిమా విడుదల తేదీని ప్రకటించేశాడు డైరెక్టర్ మురుగదాస్. జూన్ 23న సినిమాను విడుదల చేయబోతున్నట్టు ట్విట్టర్ వేదికగా ప్రకటించాడు. ''జూన్ 23న మన అతిథి థియేటర్లలోకి వచ్చేస్తున్నాడు. ఆ రోజు కోసం ఉత్సుకతతో ఎదురు చూస్తున్నా'' అంటూ ట్వీట్ చేశాడు. ఇక, ఈ సినిమాకు సంబంధించిన టైటిల్‌ను ఇప్పటిదాకా ప్రకటించలేదు. కొద్ది రోజుల్లో టైటిల్, టీజర్, ఫస్ట్‌లుక్‌ను విడుదల చేసే అవకాశం ఉంది. సినిమా టీజర్‌ను లండన్‌లో ప్రత్యేకంగా సిద్ధం చేయిస్తున్నారన్న కథనాలు వస్తున్న సంగతి తెలిసిందే.