'బాహుబలి 2' సినిమాకి సంబంధించిన పోస్టు ప్రొడక్షన్ రాపిడ్ స్పీడ్ తో జరుగుతున్నాయి. ఈ సినిమా ఆడియో రిలీజ్ ఫంక్షను మార్చి 28వ తేదీన ఘనంగా నిర్వహించాలని చిత్రయూనీట్ ప్లాన్ చేస్తోంది. మొదటి భాగానికి చెందిన ఆడియోను తిరుపతిలో ఆవిష్కరించారు. దాంతో రెండవ భాగానికి చెందిన ఆడియోను వైజాగ్ లో రిలీజ్ చేసే యోచనలో ఉన్నట్టు తెలుస్తోంది. 

కానీ ఈ సినిమా కోసం హైదరాబాద్ - రామోజీ ఫిల్మ్ సిటీలో వేసిన 'మాహిష్మతి రాజ్యం' సెట్లోనే ఆడియో వేడుకను జరపాలని రాజమౌళి ఆలోచిస్తూన్నట్టు టాక్ వినిపిస్తోంది. ఈ సినిమా కోసం వేసిన సెట్స్ ను చూసే అవకాశాన్ని చాలామందికి కల్పించడం కోసమే రాజమౌళి ఇక్కడ ఆడియో ఫంక్షన్ జరపడానికి ఆసక్తిని చూపుతున్నాడని అంటున్నారు. అదే వేదికను ఫిక్స్ చేస్తారేమో చూడాలి మరి.