100వ చిత్రం గౌతమిపుత్ర శాతకర్ణితో భారీ విజయాన్ని అందుకున్న బాలయ్య క్రేజీ కాంబినేషన్‌లో మరో చిత్రానికి నేడు శ్రీకారం చుట్టారు. నేడు కూకట్‌పల్లిలోని తులసివనంలో ఉండే వేంకటేశ్వర ఆలయంలో బాలయ్య 101వ సినిమా షూటింగ్ ప్రారంభోత్సవం ఘనంగా జరిగింది. ఈ కార్యక్రమంలో నందమూరి అభిమానులు భారీగా పాల్గొన్నారు. ఈ చిత్రానికి పూరీ జగన్నాథ్‌ డైరెక్షన్‌ చేయనున్నడంతో బాలయ్య అభిమానులు భారీ అంచనాలు పెంచుకున్నారు. బాలయ్య సినిమా కోసం ఎంత ఖర్చు అయినా పెట్టేందుకు సిద్ధంగా ఉన్నామని భవ్య క్రియేషన్స్‌ బ్యానర్‌ అధినేత ఆనంద్‌ ప్రసాద్‌ తెలిపారు. చిత్ర ప్రారంభోత్సవ కార్యక్రమంలో దర్శకుడు బోయపాటి శ్రీను, ఎస్.వీ కృష్ణారెడ్డి పాల్గొన్నారు.
ఈ చిత్రాన్ని సెప్టెంబర్‌ 29న రిలీజ్‌ చేస్తామని నిర్మాతలు ప్రకటించారు.