పవన్ కళ్యాణ్ న్యూఫిల్మ్ 'కాటమరాయుడు' సెన్సార్‌ పూర్తి చేసుకుంది. దీనికి యూ సర్టిఫికెట్‌ ఇచ్చేశారు బోర్డు సభ్యులు. దీంతో ఈనెల 24న విడుదలకు రెడీ అయ్యింది. సినిమా మొత్తం రన్ టైమ్ 144 నిముషాలు ఉన్నట్లు టాక్. ఇంటర్వెల్‌కి ముందు వచ్చే సీన్స్ హైలైట్‌గా చెబుతున్నారు. ఫ్యామిలీ సెంటిమెంట్ కూడా బాగానే పండినట్టు యూనిట్ మాట.
నార్త్‌స్టార్‌ ఎంటర్‌టైన్‌మెంట్‌ పతాకంపై డాలీ డైరెక్షన్‌లో తెరకెక్కిన ఈ చిత్రంలో ముగ్గురు తమ్ముళ్లకు అన్నయ్యగా పవన్‌ కనిపించనున్నాడు. మరోవైపు నిర్మాత, పవన్ క్లోజ్‌ఫ్రెండ్ బండ్ల గణేష్ సెన్సార్ రిపోర్ట్ చాలా గొప్పగా వచ్చిందని, బ్లాక్ బస్టర్ కావడం ఖాయమని ప్రకటించాడు. సెన్సార్ రిపోర్ట్ పాజిటివ్‌గా ఉండటంతో మూవీపై అంచనాలు పెరిగాయి.
త్వరలో శిల్పకళా వేదికగా ప్రీరిలీజ్‌ వేడుకను నిర్వహించేందుకు సన్నాహాలు మొదలయ్యాయి.