వెండితెరపై ఓ వెలుగు వెలిగిన తార శ్రీదేవి. ప్రేక్షకులకు ఆమె అతిలోక సుందరి. ఇప్పటికీ శ్రీదేవి అంటే ఆ క్రేజే వేరు. 'ఇంగ్లిష్ వింగ్లిష్'తో సెకండ్ ఇన్నింగ్స్ ప్రారంభించిన శ్రీదేవి.. ఇప్పుడు రవి ఉదయవర్ అనే కొత్త దర్శకుడితో ఓ సినిమా చేస్తోంది. అదే,, 'మామ్' హీరోయిన్ ఓరియంటడ్ సినిమా ఇది. ఓ సవతి తల్లి కూతురిపై జరిగిన అఘాయిత్యానికి ఎలా న్యాయం చేసింది అన్న నేపథ్యంలో ఈ సినిమాని తెరకెక్కించారు. శ్రీదేవి భర్త బోణీ కపూర్ ఈ సినిమాకు నిర్మాత.
తాజగా ఈ చిత్రం తెలుగు మోషన్‌ పోస్టర్‌ను విడుదల చేశారు. విలక్షణ నటుడు ప్రకాష్‌రాజ్‌ వాయిస్‌ ఓవర్‌తో డిఫరెంట్‌గా, అందర్నీ ఆకట్టుకునే విధంగా ఈ మోషన్‌ పోస్టర్‌ రూపొందింది.
తెలుగు గు, తమిళ్‌, హిందీ భాషల్లో రూపొందుతున్న ఈ చిత్రాన్ని జూలై 14న ప్రపంచ వ్యాప్తంగా విడుదల చేసేందుకు సన్నాహాలు చేస్తున్నారు. శ్రీదేవి ప్రధాన పాత్రలో రూపొందుతున్న ఈ చిత్రంలో అక్షరు ఖన్నా, అభిమన్యు సింగ్‌, సజల్‌ ఆలీ ఇతర ముఖ్యపాత్రలు పోషించారు.