అంతరిక్షంలోకి వెళ్లిన భారత సంతతికి చెందిన తొలి మహిళ కల్పనా చావ్లా జీవితం ఆధారంగా ఓ చిత్రాన్ని రూపొందించడానికి సన్నాహాలు జరుగుతున్నాయి. ఇందులో బాలీవుడ్‌ నటి ప్రియాంక చోప్రా కల్పనా చావ్లా పాత్ర పోషిస్తున్నట్లు సినీ వర్గాల సమాచారం. అయితే అధికారికంగా ఈ విషయాన్ని ప్రకటించాల్సి ఉంది. ఈ ప్రాజెక్టుపై గత ఏడేళ్లుగా పనిచేస్తున్నానని నూతన డైరెక్టర్‌ ప్రియామిశ్రా అన్నారు. కొత్త నిర్మాణ సంస్థ ఈ చిత్రాన్ని నిర్మించనున్నట్లు ఆమె పేర్కొన్నారు.ప్రియాంక ప్రస్తుతం తన అమెరికన్‌ టీవీ సిరీస్‌ ‘క్వాంటికో’ షూటింగ్‌లో ఉన్నారు. దీంతోపాటు ఆమె హాలీవుడ్‌ సినిమా ‘బేవాచ్‌’లో కీలక పాత్ర పోషిస్తున్నారు.