ఇండియాకి చెందిన వలసదారుడొకరు, తుబ్లిలోని అపార్ట్‌మెంట్‌లో గుండెపోటుతో మరణించారు. అల్‌ కూహెజి టెక్నికల్‌ సర్వీసెస్‌లో సూపర్‌ వైజర్‌గా మృతుడు ధర్మరాజు పనిచేస్తున్నారు. గత కొంతకాలంగా ఆయన గుండె సంబంధిత అనారోగ్య సమస్యతో బాధపడుతున్నారు. అనారోగ్యం కారణంగా ఇండియాకి వెళ్ళి, రెండ్రోజుల క్రితమే తిరిగి వచ్చాడాయన. గుండెలో నొప్పి రావడంతో అంబులెన్స్‌కి సమాచారం అందించగా, అంబులెన్స్‌ వచ్చేటప్పటికే ధర్మరాజు మృతి చెందారు. ఫార్మాలిటీస్‌ పూర్తయిన అనంతరం ధర్మరాజు మృతదేహాన్ని స్వదేశానికి తరలిస్తారు.