కేంద్రం మరో కీలక నిర్ణయం 
ఆధార్ విషయంలో కేంద్ర ప్రభుత్వం మరో కీలక నిర్ణయం తీసుకుంది. ఇకపై కొత్తగా బ్యాంకు ఖాతా తెరిచే వారికి ఆధార్ను తప్పనిసరి చేసింది. దీంతో పాటు రూ.50వేలు ఆపై లావాదేవీలకు కూడా ఆధార్ను తప్పనిసరిగా సమర్పించాలని పేర్కొంది.
దీంతో పాటు ఇప్పటికే బ్యాంకు ఖాతా కలిగిన వారికి ఈ ఏడాది డిసెంబర్ 31 వరకు గడువు విధించింది. ఆలోగా బ్యాంకు ఖాతాకు ఆధార్ను జత చేయకపోతే వాటిని చెల్లనివిగా గుర్తిస్తారు. ఈ మేరకు రెవెన్యూ శాఖ ఉత్తర్వులు జారీ చేసింది. కాగా, పాన్ కార్డుల దుర్వినియోగానికి అడ్డుకట్ట వేసేందుకు కేంద్రం ఇప్పటికే పాన్కార్డుకు ఆధార్ను తప్పనిసరి చేసిన సంగతి తెలిసిందే. ఒకటికి మించి పాన్ కార్డులను కొందరు వినియోగిస్తుండడాన్ని గుర్తించి కేంద్రం ఈ నిర్ణయం తీసుకుంది.