ఉమ్‌ అల్‌ కువైన్‌: ఓ ఫోర్‌ వీల్‌ డ్రైవ్‌ వాహనం, ఉమ్‌ అల్‌ కువైన్‌లో అగ్ని ప్రమాదానికి గురైంది. ఉమ్‌ అల్‌ కువైన్‌ డిఫెన్స్‌ ఆపరేషన్స్‌ రూమ్‌కి సమాచారం అందగానే, సిబ్బంది హుటాహుటిన సంఘటనా స్థలానికి చేరుకున్నారు. నలుపు రంగు ఎస్‌యూవీ వాహనం అగ్ని ప్రమాదానికి గురి కాగా, ఈ ప్రమాదానికి గల కారణాలు ఇంకా తెలియరాలేదు. ఫైర్‌ ఫైటర్స్‌ ప్రమాద స్థలికి చేరుకుని, ఫోమ్‌ ద్వారా మంటల్ని ఆర్పివేశారు. ఘటనకు సంబంధించిన వీడియోను ఉమ్‌ అల్‌ కువైన్‌ సివిల్‌ డిఫెన్స్‌ సోషల్‌ మీడియాలో షేర్‌ చేసింది. వాహనదారులు తమ వాహనాల పట్ల అప్రమత్తంగా ఉండాలని అధికారులు సూచించారు.