రస్‌ అల్‌ ఖైమా: రస్‌ అల్‌ ఖైమా మిస్‌డెమీనర్‌ కోర్టులో అరబ్‌ కాంట్రాక్టర్‌ ఒకరిపై అభియోగాలు మోపబడ్డాయి. కార్మికుడి మృతికి సంబంధించిన కేసు ఇది. వర్క్‌ సైట్‌లో కార్మికుడు మృతి చెందగా, దానికి బాధ్యత కాంట్రాక్టర్‌దేనని అభియోగాలున్నాయి. తగినన్ని భద్రతా చర్యలు వర్క్‌ సైట్‌లో చేపట్టకపోవడమే కార్మికుడి మృతికి కారణమని కేసు నమోదయ్యింది. బ్లూ కాలర్‌ కార్మికుడు, అల్‌ ఖైమాకి చెందిన ఓ కంపెనీలో పనిచేస్తున్నాడు. కంపెనీ యజమాని చెప్పిన మేరకు పని చేస్తూ మృతి చెందాడు. అయితే, అనుకోకుండా జరిగిన ప్రమాదానికి తనను బాధ్యుడిని చేయడం తగదని అభియోగాలు ఎదుర్కొంటున్న కాంట్రాక్టర్‌ న్యాయస్థానం యెదుట తన వాదనలు విన్పించారు. వర్క్‌ సైట్‌లో కార్కికుల భద్రత కాంట్రాక్టర్‌దేనని న్యాయస్థానం వెల్లడించింది. తదుపరి విచారణను న్యాయస్థానం వాయిదా వేసింది.