మహేష్ బాబు  కథానాయకుడిగా నటిస్తున్న చిత్రం 'స్పైడర్'. రకుల్ ప్రీత్సింగ్ కథానాయిక. మురుగదాస్ దర్శకత్వం వహిస్తున్నారు. రెండు పాటలు మినహా చిత్రీకరణ పూర్తయింది. ప్రస్తుతం నిర్మాణానంతరం కార్యక్రమాలు జరుపుకొంటోంది. తెలుగు, తమిళ భాషల్లో తెరకెక్కించిన సంగతి తెలిసిందే. ఇప్పుడు మిగిలిన రెండు పాటలను పూర్తి చేసే పనిలో చిత్ర బృందం ఉంది. అయితే తాజా సమాచారం ప్రకారం ఆ రెండు పాటలను తెలుగు, తమిళ భాషల్లో వేర్వేరుగా చిత్రీకరిస్తున్నారట. మహేష్బాబు ఇందుకు అదనపు సమయాన్ని కేటాయిస్తున్నట్లు తెలుస్తోంది. దసరా కానుకగా ఈ చిత్రాన్ని విడుదల చేయనున్నారు. హ్యారిస్ జైరాజ్ స్వరాలు సమకూర్చారు. త్వరలోనే చిత్ర థియేట్రికల్ ట్రైలర్ను విడుదల చేసేందుకు చిత్ర బృందం సన్నాహాలు చేస్తోంది.