మహిళను చంపి, మృతదేహాన్ని విల్లా బయట పడేసిన ఓ వ్యక్తిని పోలీసులు అరెస్ట్‌ చేశారు. మృతురాలు నేపాల్‌కి చెందిన వ్యక్తి. నేపాల్‌కి చెందిన నిందితుడ్ని మే 21న అల్‌ బర్షా ఏరియాలోని విల్లా నుంచి అదుపులోకి తీసుకున్నారు. ఓ పాకిస్తానీ వ్యక్తి, విల్లా బయట ఓ మహిళ మృతదేహం చూసినట్లు సమాచారం అందించడంతో పోలీసులు హుటాహుటిన సంఘటనా స్థలానికి చేరుకున్నారు. విచారణ చేపట్టిన పోలీసులు, విచారణలో మృతురాలికి నేపాలీ వ్యక్తితో సంబంధం ఉన్నట్లు గుర్తించారు. నిందితుడు విల్లాలో కీలనర్‌గా పనిచేస్తున్నాడు. ఆ మహిళతో అదే విల్లాలో శారీరక సంబంధం కొనసాగించిన నిందితుడు, చిన్న గొడవ కారణంగా ఆమెపై దాడికి దిగాడు. ఆమెను ఓ చోటకి తోసేసి, వెళ్ళిపోయాడతడు. తిరిగి వచ్చి చూసేసరికి ఆమె చనిపోయినట్లు గుర్తించిన నిందితుడు, ఆమె మృతదేహాన్ని బయట పడేశాడు. విచారణలో ఈ విషయాల్ని పోలీసులు బయటపెట్టారు. అయితే నిందితుడు తాను కావాలని ఆమెను చంపలేదని పోలీసులకు తెలిపాడు.