క్యాపిటల్‌ గవర్నరేట్‌ పరిధిలోంచి 200 టన్నుల కన్‌స్ట్రక్షన్‌ వ్యర్ధాల్ని తొలగించినట్లు అధికారులు పేర్కొన్నారు. అక్రమంగా కన్‌స్ట్రక్షన్‌ వ్యర్థాల్ని కొందరు డంప్‌ చేసినట్లు అధికారులు గుర్తించారు. ఈ నేపథ్యంలోనే జుఫైర్‌లోని 35 కన్‌స్ట్రక్షన్‌ ప్రాజెక్టులకు సంబంధించిన సంస్థలకు హెచ్చరికల్ని కూడా అధికారులు జారీ చేశారు. ఉల్లంఘనులు సొంత ఖర్చులతో సమస్యను పరిష్కరించుకోవడానికి కొంత సమయం ఇచ్చినట్లు జనరల్‌ డైరెక్టర్‌ షేక్‌ మొహమ్మద్‌ బిన్‌ అహ్మద్‌ అల్‌ ఖలీఫా చెప్పారు. డెవలపర్స్‌ అలాగే ఇంజనీరింగ్‌ సంస్థలు తమ సైట్స్‌ చుట్టూ ఫెన్స్‌ ఏర్పాటు చేసుకోవాలని సూచించారు. ఆ ఫెన్స్‌లోనే తమ భవనాలకు సంబంధించిన మెటీరియల్‌ని ఉంచుకోవాలని స్పష్టం చేశారాయన. ఇకపై తనిఖీలు రెగ్యులర్‌గా ఉంటాయనీ ఉల్లంఘనులపై కఠిన చర్యలు తీసకుంటామని షేక్‌ మొహమ్మద్‌ హెచ్చరించారు.