అఫ్గానిస్థాన్‌ రాజధాని కాబూల్‌ మరోసారి బాంబుల మోతతో దద్దరిల్లింది. కాబూల్‌లోని ఇరాక్‌ దౌత్యకార్యాలయానికి సమీపంలో సోమవారం బాంబు పేలుడు సంభవించింది. స్థానిక పోలీస్‌ కంపౌడ్‌లోకి చొరబడ్డ కొందరు దుండగులు కారుబాంబుతో ఆత్మాహుతికి పాల్పడ్డారు. అనంతరం మరికొందరు దుండగులు పోలీసులపై కాల్పులు జరిపారు. దీంతో భద్రతాసిబ్బంది ఎదురుకాల్పులు జరిపి వారిని అడ్డుకునే ప్రయత్నం చేశారు. ఎంబసీ సమీపం నుంచి భారీ పేలుడు శబ్దాలు వినిపించినట్లు స్థానికులు చెప్పారు. పేలుడు అనంతరం కాల్పుల శబ్దాలు కూడా వచ్చినట్లు పేర్కొన్నారు. ప్రస్తుతం కాల్పులు కొనసాగుతున్నట్లు అధికారులు వెల్లడించారు. ఘటనపై పూర్తి వివరాలు తెలియాల్సి ఉంది.