అబుదాబీలో తొలిసారిగా మోడిఫైడ్‌ వెహికిల్స్‌ కోసం ఇన్‌స్పెక్షన్‌ సెంటర్‌ని ఏర్పాటు చేశారు. వాహనదారులు తమ ఆలోచనలకు తగ్గట్టుగా వాహనాలకు మార్పులు చేస్తుంటారు. అలాంటి వాహనాలకు సంబంధించి భద్రతా ప్రమాణాలపై స్పష్టత ఇచ్చేందుకు, వాటికి ఫిట్‌నెస్‌ సర్టిఫికెట్స్‌ మంజూరు చేసేందుకు ఈ కొత్త సెంటర్‌ ఏర్పాటు చేశారు. మెరీనా సర్క్స్యూట్‌లో ఈ కొత్త సెంటర్‌ ఏర్పాటు చేశారు. మినిస్ట్రీ ఆఫ్‌ ఇంటీరియర్‌, యాస్‌ మెరినా సర్క్యూట్‌, ఆటోమొబైల్‌ అండ్‌ టూరింగ్‌ క్లబ్‌ యూఏఈ, ఎమిరేట్స్‌ అథారిటీ ఫర్‌ స్టాండర్డైజేషన్‌ అండ్‌ మెట్రాలజీ తదితర విభాగాలు సంయుక్తంగా ఈ సెంటర్‌ ఏర్పాటుకి కృషి చేశాయి. ఇకపై వాహనాలకు ఏ మార్పులు జరిగినా చట్ట పరిధికి లోబడి ఉంటాయనీ, వాహనదారులకు అలాగే రోడ్లపై వెళ్ళేవారికి ఈ తరహా వాహనాల ద్వారా ఇబ్బందులు తగ్గుతాయని అధికారులు అంచనా వేస్తున్నారు. ప్రమాదకరమైన రీతిలో వాహనాలకు మార్పులు జరిగితే, అలాంటివి ఇక్కడ సరిదిద్దబడతాయి.