మెగాస్టార్‌' చిరంజీవి కథానాయకుడిగా నటిస్తున్న చిత్రం 'ఉయ్యాలవాడ నరసింహారెడ్డి'. సురేందర్‌రెడ్డి దర్శకుడు. బుధవారం ఈ చిత్రం లాంఛనంగా ప్రారంభమైంది. అయితే ఇందులో ఓ కీలక పాత్రలో బాలీవుడ్‌ 'మెగాస్టార్‌' అమితాబ్‌ బచ్చన్‌ని ఎంపికచేసినట్లు చిత్ర వర్గాల సమాచారం. ఇందులో చిరంజీవికి జోడీగా నయనతార నటిస్తోంది.
ఈ చిత్రాన్ని కొణిదెల ప్రొడక్షన్‌ కంపెనీ బ్యానర్‌పై రాంచరణ్‌ నిర్మిస్తున్నారు. ఈ నెల 22న చిరు పుట్టినరోజును సందర్భంగా సినిమా టైటిల్‌ లోగోతో కూడిన మోషన్‌ పోస్టర్‌ను ఆవిష్కరించనున్నారు. తెలుగు, తమిళం, హిందీ భాషల్లో ఈ చిత్రాన్ని విడుదల చేయనున్నారు.